http://www.youtube.com/v/dk_OxLnOs60
Амин хайрын эх орон минь
Алтайн уулсаас дорнын их тал хүртэл
Алтан говиос умрын хөглөгөр ногоон ой хөвч хүртэл
Цэлгэр уудам нутаг хангайн Монгол,говийн Монгол
Цээжинд лугших зүрх миний эх орон
Жижигхэн болжмор,аргаль,янгирын чуулган
Жимсний ялдамхан үнэр,намираа бороо,миний эх орон
Мөрөн голын эгшиг,морин хуурын уянгалаг аялгуу
Мөнгөн аягатай сүү Миний эх орон
Оосор бүчгүй цагаан өргөөнд
Онож төрсөн ховор заяа
Онгон нялхсаа тоонын нүдээр
Одтой ирмэлцсэн холч мөрөөдөлтэй
Омголон шуранхайлсан уртын дуутай
Оюун төгс монгол түмний
Оройн дээд хүслэн эв нэгдэл ээ
Асар тэнгэрийн гэгээн өлгий
Алтан дэлхийн тэнүүн магнай
Азтай бидний зөөлөн өлгий
Алд биеийн гэрэлт диваажин
Амин харын эх орондоо сөгдмүү
Аагим халуунаас тэсгим жавар хүртэл
Анхил цэцэгсээс гангар цагаан цасан мөсөн хүртэл
Эргэх дөрвөн улирал тэнгэрийн Монгол,Азийн Монгол
Эгнэгт орших энхжин миний эх орон
Зуны наран,өвлийн салхины дуулал
Зуун зууны "Нууц-товчоо","Эрдэнийн эрхи" миний эх орон
Өргөө цагаан гэрүүд аргалийн анхилуун цэнхэр утаа
Өөдрөг гэгээний итгэл миний эх орон
Элсний ширхэг,мөнх цаст ноён оргил
Эрин үеийн орд харш,хүлгийн төвөргөөн миний эх орон
Эрдэнийн алтан соёмбо,ээлийн цагаан хадаг
Эвийн ариун андгай миний эх орон
Хатан замба тивээс хан хурмаст хүртэл
Халиун зүлэгнээс эрхсийн алтан,мөнгөн одод хүртэл
Өндөр заяаллын нутаг дэлхийн Монгол,Чингисийн Монгол
Өөр хэнийх ч биш миний эх орон
http://www.qingis.com/800mgl.htm
[ 本帖最后由 丫牛 于 2008-6-25 04:54 编辑 ] |
发表于 2008-1-5 01:46:17